„მაგნოლიას“ შესახებ

საუკეთესო ტურისტული სერვისის მიმწოდებლების დაჯილდოების ღონისძიება „მაგნოლია“, რომელიც აჭარის ტურიზმისა და კურორტების დეპარტამენტის ორგანიზებით, 2015 წლიდან იმართება, არის პროექტი, რომლის ფარგლებშიც, საზოგადოება და ტურისტული სექტორი, გამოკითხვის და საერთაშორისო სამოგზაურო პლატფორმების მონაცემების შედეგად, წლის საუკეთესო ტურისტულ ობიექტებს და სერვისის მიმწოდებლებს 15-მდე სხვადასხვა ნომინაციაში გამოავლენს.

2024 წლის ნომინაციები:

• საუკეთესო საერთაშორისო ბრენდული სასტუმრო აჭარაში
• საუკეთესო სასტუმრო აჭარაში
• საუკეთესო ჰოსტელი აჭარაში
• საუკეთესო განთავსების ობიექტი სოფლად აჭარაში
• ყველაზე პოპულარული რესტორანი აჭარაში
• ყველაზე პოპულარული საოჯახო მარანი აჭარაში
• ყველაზე ხშირად ვიზიტირებადი ტურისტული ადგილი ბათუმში
• წლის პოპულარული ტურისტული ადგილი მთიან აჭარაში
• წლის პოპულარული ტურისტული მარშრუტი აჭარაში
• წლის პოპულარული მუზეუმი
• წლის პოპულარული დაცული ტერიტორია/ეროვნული პარკი
• წლის საუკეთესო ტურისტული სააგენტო
• წლის საუკეთესო გიდი აჭარაში
• წლის საუკეთესო ტურისტული მძღოლი

აჭარის ტურიზმის დეპარტამენტი აჭარაში წლის საუკეთესო ტურისტული სერვისის მიმწოდებელი ტურისტული ობიექტების გამოსავლენად ტურისტების და სექტორის შეფასებებს იყენებს.

წელს პირველად, ნებისმიერ დაინტერესებულ პირს ტურისტული მომსახურების ხარისხი ონლაინ შეუძლია შეაფასოს.

ონლაინ გამოკითხვის გარდა, გამარჯვებულთა გამოსავლენად განხორციელებული კვლევა რამდენიმე კომპონენტს მოიცავს:

✅ ტურისტების გამოკითხვა (პირისპირ გამოკითხვის მეთოდით);

✅ ტურისტული სექტორის გამოკითხვა (ტურისტული სააგენტოები, გიდები, განთავსებისა და კვების ობიექტები);

✅ Booking.com-ის, Google Map-ის, Trip Adviser-ის, Facebook.com-ის მონაცემები და შეფასებები.

„მაგნოლია“-ს დაჯილდოების ღონისძიება ყოველწლიურად დეკემბერის ბოლოს იმართება. მას ტრადიციულად ტურიზმის სექტორის, სხვადასხვა ორგანიზაციების და მედიის წარმომადგენლები ესწრებიან.

ხმის მიცემა მიმდინარეობს!